Qeveria e Kosovës ka marr vendim që të lirojë nga taksa doganore dhe Tatimi mbi Vlerën e Shtuar (TVSh) të gjitha importet e miellit dhe grurit.
Ky vendim i ndërmarr nga Ministria e Financave dhe Transfereve (MFT), është ndërmarr më 23 të këtij muaji, është pjesë e vendimit për ndërmarrjen e masave shtesë pas konfirmimit të rasteve të infektuar në Kosovë nga virusi COVID-19.
Sipas një njoftimi të MFT-së, thuhet se me këtë vendim të gjitha subjektet biznesore që shërbyese apo prodhuese, lirohen përkohësisht nga taksa doganore dhe TVSh për importin e grurit apo miellit si lëndë të parë për prodhim të bukës apo produkteve tjera të ngjashme.