Kushtet e Përgjithshme, Politika e Privatësisë dhe e Rimbursimit

Data e hyrjes në fuqi: 09 Qershor 2026

Të dhënat e ofruesit të shërbimit

• Emri ligjor: IKAF – Instituti për Kontabilitet, Auditim dhe Financa
• Numri fiskal: 600468492
• Adresa: Rr. Nazmi Gafurri, nr. 15, Prishtinë, Republika e Kosovës
• Email: info@ikaf.org | trajnim@ikaf.org
• Telefon: +383 44 118 346
• Faqja zyrtare: www.ikaf.org

Pjesa I - Kushtet e Përgjithshme të Shërbimit dhe Politika e Privatësisë

1. Pranimi i Kushteve

Plotësimi i formularit të aplikimit, regjistrimi ose kryerja e pagesës në ikaf.org nënkupton pranimin e plotë të këtyre Kushteve dhe Politikës së Privatësisë.

2. Shërbimet tona

IKAF ofron trajnime, seminare, certifikime profesionale dhe shërbime në fushën e kontabilitetit, auditimit dhe financave publike në format: Online, Klasë dhe Vetë-Studim.

3. Çmimet, Monedha dhe Pagesat

Të gjitha çmimet shprehen në Euro (EUR) dhe përfshijnë tatimet e zbatueshme, përveç kur shënohet ndryshe.

Pagesat online kryhen me kartë bankare (Visa, Mastercard) ose metoda të tjera të shfaqura gjatë procesit të pagesës, përmes një procesori të pagesave të certifikuar (ProCredit Bank).

IKAF nuk ruan dhe nuk ka qasje në të dhënat e plota të kartës suaj bankare. Këto përpunohen drejtpërdrejt nga procesori i pagesave në përputhje me standardin PCI-DSS. Pagesa konsiderohet e kryer vetëm pas konfirmimit zyrtar nga procesori.

4. Ofrimi dhe Aksesi në Shërbim

Pas konfirmimit të pagesës, pjesëmarrësi merr konfirmim me email dhe akses në programin ose materialet sipas formës së zgjedhur (online, në klasë ose vetë-studim). Aksesi në materialet digjitale jepet në momentin e fillimit të programit.

5. Politika e Privatësisë dhe Mbrojtjes së të Dhënave Personale

I. Përkufizime

• Të dhënat personale: çdo informacion që lidhet me një person fizik të identifikuar ose të identifikueshëm.
• Përpunimi i të dhënave personale: çdo veprim i kryer me të dhënat personale.
• Cookie: një skedar i vogël teksti që vendoset në pajisjen tuaj nga faqja ikaf.org.

II. Të dhënat që mbledhim

• Emri, Emri i prindit, Mbiemri, Data e lindjes, Vendi i lindjes, Numri i letërnjoftimit.
• Adresa e email-it dhe Numri i telefonit.
• Të dhëna profesionale dhe arsimore.
• Të dhëna pagese (të trajtuara nga procesori i pagesave).
• Të dhëna teknike: IP adresa, cookies dhe të dhëna sesioni.

III. Qëllimet e përpunimit

• Trajtimi i aplikimit dhe ekzekutimi i kontratës.
• Lëshimi i certifikatave dhe komunikimi administrativ.
• Marketing dhe oferta të personalizuara (vetëm me pëlqim të veçantë).

IV. Cookies

Faqja ikaf.org përdor cookies të nevojshme, funksionale, analitike (Google Analytics) dhe sociale. Mund t’i menaxhoni ose refuzoni përmes cilësimeve të shfletuesit. Kohëzgjatja maksimale: deri në 13 muaj.

V. Siguria

IKAF ka marrë të gjitha masat teknike dhe organizative për të mbrojtur të dhënat personale nga aksesi i paautorizuar, humbja ose dëmtimi.

VI. Të drejtat tuaja

• Akses
• Korrigjim
• Fshirje
• Kufizim
• Portabilitet
• Kundërshtim
• Tërheqje pëlqimi
• Ankesë tek Agjencia për Informim dhe Privatësi

Kontakt: info@ikaf.org (përgjigje brenda 30 ditëve).

VII. Pëlqimi për Përpunimin e të Dhënave Personale

Duke klikuar “Dërgo Aplikimin” ose “Paguaj”, ju jepni pëlqimin tuaj për përpunimin e të dhënave sipas kësaj politike.

6. Kodi i Etikës dhe Sjelljes

Pjesëmarrësit duhet të veprojnë me integritet, respekt dhe konfidencialitet. Shkeljet mund të çojnë në pezullim ose largim pa rimbursim.

7. Politika e Certifikimeve

Certifikatat lëshohen pas plotësimit të kërkesave (pjesëmarrje ≥80%, provime, pagesë). IKAF nuk është përgjegjës për licencimin profesional.

8. Politika e Ankesave

Ankesat dërgohen në info@ikaf.org dhe trajnim@ikaf.org brenda 14 ditëve. Trajtohen brenda 30 ditëve pune.

9. Pronësia Intelektuale & Përgjegjësia

Materialet janë pronë ekskluzive e IKAF. IKAF nuk garanton rezultate profesionale. Ligji zbatues: Ligjet e Republikës së Kosovës. Juridiksioni: Gjykatat kompetente në Prishtinë.

Pjesa II - Politika e Rimbursimit

1. Programet e Kualifikimeve dhe Certifikimeve

2. Seminaret, Trajnimet e Shkurtra dhe Eventet

3. Anëtarësimi (Jo i Rimbursueshëm)

Tarifa e anëtarësimit nuk rimbursohet në asnjë rast.

4. Zbritjet dhe Anulimi

Ofertat me zbritje nuk janë të rimbursueshme dhe humbasin të drejtën e anulimit.

5. Anulim nga IKAF & Raste të Veçanta

Në rast anulimi nga IKAF: rimbursim i plotë ose shtyrje falas. Rastet e veçanta trajtohen me dokumentacion mbështetës.

6. Pagesat me Këste

Për programet e paguara me këste, përqindja e rimbursimit llogaritet mbi shumën totale të programit.

7. Procesi i Rimbursimit

Kërkesa dërgohet në trajnim@ikaf.org me emër, numër fature dhe arsye. Trajtimi bëhet brenda 10 ditëve pune.

Pjesa III - Deklarata e Pranimit dhe Nënshkrimi Elektronik

Varianti i shkurtër

☐ Duke aplikuar dhe duke nënshkruar elektronikisht, deklaroj se i kam lexuar dhe i pranoj plotësisht Termet dhe Kushtet, Politikën e Privatësisë, Politikën e Rimbursimit dhe Konkursin e plotë për regjistrim.

Varianti i plotë

Duke dërguar këtë aplikim dhe duke kryer pagesën, unë pranoj dhe nënshkruaj elektronikisht kontratën me IKAF – Instituti për Kontabilitet, Auditim dhe Financa.