Trajnime për trajnerë dhe mësimdhënës
Ky trajnim është i dedikuar për të gjithë ata individë të cilët aktualishtë ushtrojnë profesionin e mësimdhënësit e trajnerit, për fillestar por edhe për ata që kanë eksperiencë, mirëpo nuk janë për momentin të angazhuar në ndonjë vend pune, por se dëshirojnë të ngrisin nivelin e njohurive.
Përmes këtij trajnimi, kandidatët do të fitojnë përvojën dhe njohuritë e kërkuara për të përmbushur kriteret e nevojshme përmes një kombinimi të studimit teorik dhe veprimtarisë praktike.
Përmbajtja e teorisë do të prezantohet përmes moduleve tona të hartuara nga ekspertë kombëtarë e ndërkombëtarë si dhe aktiviteti praktik që do të kryhet gjatë procesit mësimor.
Trajnimi për inspektor të arsimit
Trajnimet për këtë fushë kanë për qëllim aftësimin e inspektorëve për lëndë mësimore dhe kushtet në shkollë.
Ky trajnim përmbanë ligjërata për të gjitha kategoritë e inspektorëvë të arsimit, bazuar në kriteret ndërkombëtare.
Filozofia dhe praktika e metodologjisë së trajnimit bazohet tek ndërveprimi aktiv, pedagogjik, ku i rrituri është në qendër të të nxënit. Zbatohen metoda, teknika dhe strategji të larmishme që burojnë dhe kanë në thelb ndërveprimin, ku midis tyre veçojmë: Prezantime, diskutime, debate, punë e drejtpërdrejtë, individuale, punë në ekipe, vlerësim, diskutime, përdorim të TIK-ut softëareve, analiza për përdorimin e tyre në procesin e komunikimit si dhe feedback. Trajnimet shoqërohen me paratestime përpara fillimit të trajnimit dhe pastestim, kur përfundon trajnimi, me qëllim parësor përmirësimin e vijueshëm dhe formimin sa më të mirë të të trajnuarit.
Trajnimi për Auditor të Brendshëm në institucione arsimore
Kandidatët do të zotërojnë teknikat themelore të auditimit operacional dhe të mësojnë se si të përdorin një qasje të bazuar në rrezik për të përmirësuar auditimet tuaja të blerjeve, burimeve njerëzore, teknologjisë së informacionit (IT), menaxhimit dhe financave në institucione shkollore e edukative.
Trajnimet
Trajnimet tjera
Në këtë rubrikë mund të gjeni trajnime tjera që janë jashtë programeve dhe certifikimeve bazë të mundësuara nga IKAF.
Përkundër kësaj, IKAF ka arritur që këto trajnime të jenë të nivelit të lartë të bazuara në standarde ndërkombëtare dhe të harmonizuara me ato kombëtare.
IKAF ka angazhuar profesorë me ekspertizë të lartë në fushën e kurrikulave arsimore dhe ato të auditimit, për t’u siguruar që cilësia e trajnimeve të jetë në përputhje me kriteret e lartëpërmendura.
