|
Instituti KAF shpall Konkursin për Regjistrimin e kandidatëve për afatin Shkurt 2026, duke filluar nga data 03 Nëntor 2025. Konkursi do të jetë i hapur deri më 05 Mars 2026.
|
TITULLI I CERTIFIKIMIT/KUALIFIKIMIT:
|
|
1.16 ZYRTAR I CERTIFIKUAR NË MENAXHIMIN E FINANCAVE PUBLIKE – ZMFP
|
|
Institucioni Akreditues:
|
Niveli KKK
|
Kreditë & Kohëzgjatja:
|
|
Autoriteti Kombëtar i Kualifikimeve
|
V
|
AAP-ECVET – 4 muaj
|
|
Përmbledhje mbi Kualifikimin dhe Modulet
|
|
Përmbledhje mbi Kualifikimin:
Programi profesional i certifikimit në Menaxhimin e Financave Publike është dizajnuar për të zhvilluar aftësitë e nevojshme për planifikim, ekzekutim, kontroll, raportim dhe auditim të financave publike, në përputhje me Ligjin për Menaxhimin e Financave Publike dhe Përgjegjësitë.
Programi integron standardet dhe praktikat më të mira ndërkombëtare, si PEFA, IPSAS, IIA, IMF, World Bank dhe CIPFA, me kërkesat konkrete ligjore të Republikës së Kosovës. Fokusi kryesor është aplikimi praktik dhe përmbushja e detyrimeve ligjore për zyrtarët me përgjegjësi financiare dhe menaxheriale.
Ky program i jep prioritet të lartë zyrtarëve që janë emëruar për herë të parë në pozita drejtuese ose financiare dhe që kanë nevojë për njohuri të plota dhe të menjëhershme për të shmangur gabimet ligjore dhe për të ushtruar detyrën me siguri profesionale.
Programi është i përshtatur posaçërisht për:
Zyrtarë Certifikues, Zyrtarë Kryesorë Financiarë, Zyrtarë të Pagesave, Zyrtarë të të Hyrave, Zyrtarë të Buxhetit, Drejtorë Financash, Drejtorë Buxheti, Menaxherë Kontratash, Drejtues të organizatave buxhetore dhe drejtues departamentesh. Njëkohësisht, programi mbetet i hapur dhe i përshtatshëm për të gjitha pozitat e tjera në sektorin publik që kanë përgjegjësi në menaxhimin e financave publike.
QËLLIMI I PROGRAMIT
Programi synon forcimin e kapaciteteve profesionale në planifikim, ekzekutim, kontroll, raportim dhe auditim të financave publike në Republikën e Kosovës. Ai integron qasjen strategjike me praktikat operative dhe mekanizmat e kontrollit dhe auditimit, duke përmbushur plotësisht kërkesat ligjore për pozitat kyçe dhe duke u mbështetur në standardet ndërkombëtare PEFA, IPSAS, IIA, IMF, World Bank dhe CIPFA.
OBJEKTIVAT E TË NXËNIT
Pas përfundimit të programit, pjesëmarrësit do të jenë në gjendje të:
• Zhvillojnë dhe zbatojnë kornizën strategjike dhe makrofiskale të financave publike
• Menaxhojnë ciklin e plotë të buxhetit dhe prokurimit publik
• Zbatojnë procedurat e certifikimit të pagesave
• Identifikojnë, vlerësojnë dhe menaxhojnë risqet financiare përmes hartës së riskut
• Përgatisin pasqyra dhe raporte financiare sipas IPSAS dhe të ndjekin rekomandimet e auditimit
• Përdorin në mënyrë efektive SIMFK dhe të zbatojnë kontrollin e brendshëm të financave publike
Modulet e Kualifikimit:
MFP1 – Korniza Strategjike dhe Makrofiskale
• Hyrje në Menaxhimin e Financave Publike
• Korniza ligjore dhe institucionale
• Objektivat strategjike dhe planifikimi institucional
• Korniza makrofiskale
• Korniza Afatmesme e Shpenzimeve
• Planifikimi buxhetor
• Projektet kapitale dhe analiza kosto–përfitim
• Metodologjia PEFA
• Ushtrime praktike
MFP2 – Cikli i Buxhetit dhe Prokurimi Publik
• Parimet e prokurimit publik
• Procedurat e prokurimit
• Dokumentet standarde dhe vlerësimi i ofertave
• Menaxhimi i kontratave
• Të hyrat dhe shpenzimet publike
• Menaxhimi i pasurisë
• Ushtrime praktike
MFP3 – Menaxhimi Financiar, Kontabiliteti dhe SIMFK
• Menaxhimi i rrjedhës së parasë
• Borxhi publik dhe instrumentet financiare
• Plani kontabël i organizatave buxhetore
• Struktura dhe modulet e SIMFK
• Proceset operative në SIMFK
• Kontrolli i brendshëm i financave publike
• Menaxhimi Financiar dhe Kontrolli
• Llogaridhënia menaxheriale
• Menaxhimi i rrezikut dhe hartimi i hartës së riskut
• Strategjitë e mitigimit
• Ushtrime praktike
MFP4 – Raportimi Financiar dhe Auditimi
• Korniza e auditimit të brendshëm sipas IIA
• Auditimi i bazuar në risk
• Planifikimi dhe procesi i auditimit
• Raportimi dhe ndjekja e rekomandimeve
• Standardet e raportimit financiar
• Pasqyrat financiare në sektorin publik
• Obligimet dhe detyrimet kontigjente
• Shpalosja e informatave financiare
• Ushtrime praktike
Auditimi i Brendshëm
• Korniza e IIA dhe modeli i KBFP
• Auditimi i bazuar në risk
• Planifikimi, procesi dhe raportimi i auditimit
• Ndjekja e rekomandimeve
• Ushtrime praktike
FORMA E REALIZIMIT
Ligjërata interaktive, analiza të rasteve reale nga raportet e Zyrës Kombëtare të Auditimit, ushtrime praktike intensive, simulime të dosjeve të pagesave, menaxhimit të kontratave dhe buxheteve, si dhe projekt final integrues.
|
|
Kosto financiare e trajnimit dhe regjistrimit
|
|
Regjistrimi fillestar
|
200€
|
|
Trajnimi & Literatura Moduli MFP1
|
200€
|
|
Trajnimi & Literatura Moduli MFP2
|
200€
|
|
Trajnimi & Literatura Moduli MFP3
|
200€
|
|
Trajnimi & Literatura Moduli MFP4
|
200€
|
|
Anëtarë Student ZMFP (anëtarësi vjetore)
|
80€
|
|
Vlera e kostos financiare të trajnimit dhe regjistrimit
|
1,080€
|
|
Informacione të tjera të rëndësishme
|
|
Kosto e provimit ose njohjes së provimit:
(Paguhet vetëm kur studenti i nënshtrohet provimit ose procesit të njohjes)
|
65€
|
|
Ri-regjistrimi për student në ZMFP
(Studentët që nuk shlyejnë detyrimet financiare brenda afateve ose nuk përfundojnë studimet brenda dy viteve do të hiqen nga regjistri i IKAF. Për rikthim, duhet të paguajnë tarifën e riregjistrimit dhe detyri2met e papaguara, dhe mund të aplikohen testime shtesë sipas përcaktimeve të IKAF.)
|
200€
|
|
Anëtar Profesional ZMFP (anëtarësi vjetore)
(Titulli merret pas përfundimit me sukses të kualifikimit ose njohjes përkatëse. Anëtarësia vjetore paguhet brenda 7 dite nga pranimi i certifikatës dhe për vitet pasuese deri më 31 janar të vitit përkatës.)
|
120€
|
|
Ri-regjistrimi për Anëtarët Profesional në ZMFP
(Anëtarët që nuk shlyejnë detyrimet financiare ose të raportimit brenda afateve të përcaktuara do të largohen nga regjistri aktiv. Për rikthim, duhet të paguajnë tarifën e riregjistrimit, anëtarësimin, dhe të plotësojnë EVP-të. Nëse kanë qenë joaktivë për dy vite, mund të kërkohen testime dhe përmbushje shtesë të EVP-ve.)
|
200€
|
|
Kriteret e Përgjithshme të Konkursit dhe Zbritjeve
|
|
Për të përfituar zbritjet, kandidatët duhet të:
-Aplikojnë dhe regjistrohen online,
–Nënshkruajnë kontratën digjitale që u dërgohet pas aplikimit, dhe
–Kryejnë pagesën brenda afatave të përcaktuara si më poshtë:
Afati i pagesës Zbritja
Deri më 05 Mars 2026 10% zbritje
Zbritjet vlejnë vetëm për kostot e regjistrimit, trajnimit dhe anëtarësimit si student dhe nuk aplikohen për provime, njohje profesionale, anëtarësi profesionale apo vazhdim të anëtarësisë studentore.
Gjithashtu, zbritjet nuk vlejnë për sektorin publik.
Për aplikime grupore nga institucione publike, mund të kërkohen oferta të veçanta.
Kontrata digjitale duhet të nënshkruhet përpara kryerjes së pagesës: KËTU
Detajet e plota të konkursit mund t’i gjeni duke klikuar: KËTU
|
|
Kriteret për Regjistrim dhe Certifikim
|
|
Kriteret për Regjistrim
Të posedojë Diplomë Universitare.
Të dorëzojë Aplikacionin e Plotësuar për Regjistrim, së bashku me dokumentet e tjera të kërkuara në aplikacion.
Kriteret për Certifikim
Të posedojë Diplomën universitare;
Të ketë përfunduar me sukses provimet e përfshira në këtë kualifikim;
Të ketë një (1) vit eksperience biznesore (departamente profesionale si: kontroll, buxhet, financa, kontabilitet, auditim, pajtueshmëri, operacione, menaxhment, planifikimin e korporatave, sistemet e informacionit të menaxhimit, administrimin e biznesit dhe zhvillimin, drejtuesit jo-financiarë nga shitjet, marketingu, prodhimi etj.)
|
Përmbledhje:
Tema e këtij kualifikimi është menaxhimi financiar i qeverive të vendeve demokratike. Përfshin procesin me të cilin merren vendimet për mbledhjen dhe alokimin e fondeve, procesin e buxhetit dhe mënyrën e ekzekutimit të buxhetit, si dhe kontabilitetin dhe raportimin mbi rezultatet financiare të vendimeve të politikave. Gjithashtu përfshin procedurat për kontrollin dhe sigurinë (nga auditorët) mbi përdorimin e parave. Për më tepër, libri ka të bëjë me marrëdhëniet midis politikanëve, qeverisë dhe qytetarëve në përdorimin dhe kontrollin e burimeve publike, duke arritur llogari dhe transparencë.
GRUPI I SYNAR
A. Ministritë Ministra, Zëvendësministra, Sekretarë të Përgjithshëm, Drejtorë Financash, Shefa të Buxhetit, Zyrtarë Kryesorë Financiarë, Zyrtarë Autorizues dhe Certifikues, Zyrtarë Prokurimi, Menaxherë Kontratash, specialistë të thesarit, borxhit dhe kontabilitetit, Auditorë të Brendshëm, Menaxherë Projektesh Kapitale dhe specialistë të riskut fiskal.
B. Agjencitë Qendrore dhe Institucionet e Pavarura Kryeshefë Ekzekutivë, CFO, Zyrtarë Certifikues dhe Prokurimi, Menaxherë Kontratash, specialistë KBFP, Auditorë të Brendshëm, specialistë risku dhe Menaxherë Projektesh.
C. Ndërmarrjet Publike Anëtarë Bordi, Drejtorë të Përgjithshëm, Drejtorë Financiarë, Zyrtarë Certifikues dhe Prokurimi, Menaxherë Buxheti, specialistë pasurie dhe borxhi, Auditorë të Brendshëm.
D. Komunat Kryetarë, Zëvendëskryetarë për Financa, Shefa Administrate, Drejtorë Drejtorish, Drejtorë Financash, Zyrtarë Certifikues, Zyrtarë Prokurimi, Menaxherë Kontratash, specialistë kontabiliteti, Auditorë komunalë.
E. Institucione të tjera Zyrtarë në Kuvend, Gjykata, Prokurori, institucione arsimore publike dhe Menaxherë Kontratash në çdo institucion publik.
NIVELI DHE CERTIFIKIMI
Niveli: Profesional Certifikim: Certifikatë profesionale ndërkombëtare me theks në Menaxhimin e Financave Publike sipas PEFA, IPSAS, IIA dhe Ligjit për Menaxhimin e Financave Publike dhe Përgjegjësitë të Republikës së Kosovës.
PËRFITIMET
• Certifikim që rrit perspektivën profesionale
• Aftësi praktike të aplikueshme menjëherë
• Përmbushje e kërkesave ligjore
• Rrjetëzim profesional
REGJISTRIMI
Programi është i hapur për regjistrim të menjëhershëm. Data e fillimit: 25 Mars 2026.
|
