Shtyhet edhe për një vit afati për lirime në import për të gjitha subjektet prodhuese që tashmë kanë një autorizim të tillë.
Ky njoftim u dha nga Administrata Tatimore e Kosovës (ATK), thuhet se vendimi për shtyrje vlen për të gjitha subjektet prodhuese që tashmë kanë një autorizim për lirime në import dhe qëllimi i shtyrjes së afatit deri me 31.12.2020, është në harmoni me vendimin e Qeverisë së Republikës së Kosovës Nr. 01/9, për ndërmarrjen e masave shtesë pas konfirmimit të rasteve pozitive me virusin Korona apo COVID-19.
Sipas këtij vendimi, Kërkohet nga të gjitha subjektet prodhuese që autorizimet për lirim në import ju skadojnë me datë 31.12.2019, që deri me 30.06.2020 të raportojnë stoqet e tyre te komisioni për lirime në formatin zyrtar përmes adresës elektronike.
