Viti 2018 për Institutin për Kontabilitet, Auditim dhe Financa (IKAF), është veçuar me arritjen e rezultateve rekorde. Përveç partneriteteve më organizata ndërkombëtare të kontabilitetit, auditimit dhe financava në përgjithësi, IKAF ka arritur që në vitin që e lëmë pas, t’a shënoj edhe një rekord në aspektin e organizimit të seminareve për Edukim të Vazhdueshëm Profesional (EVP/CPD).
Vetëm gjatë vitit 2018, IKAF ka arritur t’i organizoj 14 seminare brenda dhe jashtë Kosovës, në të cilat janë trajtuar tema të ndryshme që kanë të bëjnë me fushëveprimtarinë e Institutit.
Në bashkëpunim me partnerë në Maqedoni, IKAF në shkurt të vitit 2018, organizoi në Shkup seminarin e parë të vitit me temën “SNRF, Raportet Financiare & Kontabilitetit për audituesit e brendshëm”.
Gjatë të njëjtit vit, IKAF ka arritur që brenda seminareve të përfshijë edhe tema që janë shumë aktuale e që po e prekin fushën e kontabilitetit, auditimit dhe financave, siç është avancimi i tekonlogjisë informative dhe përdorimi i platformave online. Vetëm gjatë muajit nëntor 2018, IKAF organizoi tre (3) seminare me temat: a) Audtimi i Tekonologjisë Informative dhe Kontrollet, b) Roli i zyrarëve dhe menaxhmentit në hartimin në praktikë të regjistrave të riskut dhe monitorimi dhe c) Roli i zyrtarëve dhe menaxhmentit në implementimin dhe ndjekjen e rekomandimeve të auditimit.
Me organizimin e 14 seminareve me 120 EVP, vetëm brenda një viti, IKAF ka arritur që të jetë udhëheqës në këtë fushë në Kosovë dhe rajon. Në vazhdim po paraqesim numrin dhe llojin e seminareve të organizuar nga IKAF brenda vitit 2018:
EVP- të e mbajtura gjatë vitit 2018 |
||||
Nr. | Titulli EVP | Data | Vendi | Orët e Verifikueshme |
1 | SNRF, Raportet Financiare & Kontabilitetit për audituesit e brendshëm | 12 Shkurt 2018 | Shkup-Maqedoni | 6 EVP |
2 | Auditimi i Brendshëm i bazuar në Rrezik | 22-25 Mars | Maqedoni | 10 EVP |
3 | Qasja Praktike në Auditimin e Jashtëm | 20-21 Prill 2018 | Prishtinë | 10 EVP |
4 | Menaxhimi i Rrezikut dhe Roli i Auditorit të Brendshëm | 21-24 Qershor 2018 | Shqipëri-Durrës | 12 EVP |
5 | E drejta për të Zbritur TVSH-në dhe Rregullimet e Zbritjeve | 30 Qershor 2018 | Prishtinë | 6 EVP |
6 | GDPR Implementimi nga Zyrtarët Përgjegjës dhe Qasja e Auditimit të Brendshëm | 15 Gusht 2018 | Prishtinë | 3 EVP |
7 | Tatimi mbi Vleren e Shtuar (Trajnim) | 15-16 Tetor 2018 | Prishtinë | 10 EVP |
8 | Konferenca e 4 Shkencore “Sfidat e Auditimit te Brendshem” IIA Maqedoni | 25-26 Tetor 2018 | Shkup-Maqedoni | 14 EVP |
9 | Roli i zyrtarve dhe menaxhmentit ne implementimin dhe ndjekjen e rekomandimeve te auditimit | 16-17 Nentor 2018 | Prishtinë | 9 EVP |
10 | Auditimi i TI-se dhe Kontrollet | 29.11.2018-02.12.2018 | Maqedoni-Struge | 8 EVP |
11 | Roli i zyrareve dhe menaxhmentit ne hartimin ne praktik te regjistrave te riskut dhe monitorimi | 29.11.2018-02.12.2018 | Maqedoni-Struge | 8 EVP |
12 | Përmirësimi i menaxhimit financiar dhe kontrollit me anë të kuadrit ligjor për realizimin e punës audituese | 13-16.12.2018 | Budva-Mali I Zi | 8 EVP |
13 | Planifikimi i auditimit dhe qasja praktike në auditimin e brendshëm, në sektorin publik dhe privat | 13-16.12.2018 | Budva-Mali I Zi | 8 EVP |
14 | Ndryshimet e fundit te legjislacionit tatimor dhe raportimet e nevojshme | 27-30.12.2018 | Tirane-Shqiperi | 8 EVP |