Instituti KAF njofton se kanë filluar ligjëratat në dy module të rëndësishme profesionale: KC F5 – Menaxhimi i Performancës dhe AC P2 – Raportimi i Korporatave, të cilat janë pjesë e programeve të certifikimit profesional në fushën e kontabilitetit dhe auditimit.
KC F5 – Menaxhimi i Performancës
Ligjëruese: Xhyldane Kiçmari
Ky modul synon të pajisë vijuesit me njohuri praktike dhe analitike për menaxhimin e kostove, vendimmarrjen financiare dhe matjen e performancës organizative.
Temat që do të ligjërohen:
- Kostot speciale dhe teknikat e menaxhimit të kontabilitetit
- Teknikat e vendimmarrjes
- Buxhetimi
- Kostoja standarde dhe analiza e mospërputhjeve
- Sistemet e menaxhimit të performancës, matjes dhe kontrollit
AC P2 – Raportimi i Korporatave
Ligjërues: Hajdar Hoxha
Moduli AC P2 fokusohet në raportimin financiar të avancuar, analizën e pasqyrave financiare dhe zhvillimet bashkëkohore në standardet kontabël.
Temat që do të ligjërohen:
- Detyrat profesionale dhe etike të kontabilistit
- Korniza mbi raportimin financiar
- Raportimi i performancës financiare të njësive ekonomike
- Pasqyrat financiare të grupeve të njësive ekonomike
- Njësitë ekonomike të specializuara
- Implikimet e ndryshimeve në rregulloret kontabël mbi raportimin financiar
- Vlerësimi i performancës dhe pozicionit financiar të njësive ekonomike
- Zhvillimet e fundit në raportimin financiar
Certifikimi
Vijuesit e të dy moduleve kanë mundësi të pajisen me:
- Certifikatë pjesëmarrjeje, në rast se ndjekin trajnimin pa iu nënshtruar testit përfundimtar
- Certifikatë suksesi, në rast se i nënshtrohen dhe e kalojnë testin përfundimtar
Këto trajnime janë të përshtatshme për kontabilistë, auditorë, financierë dhe profesionistë që synojnë të avancojnë njohuritë dhe karrierën e tyre profesionale.
