Instituti KAF (IKAF) ju rikujton rëndësinë e ruajtjes së statusit tuaj si Anëtar Aktiv dhe përmbushjen e kërkesave të Edukimit të Vazhdueshëm Profesional (EVP/CPD) për vitin 2026.
Kërkesat për EVP në vitin 2026
Për të ruajtur ose fituar statusin Anëtar Aktiv, çdo anëtar duhet të plotësojë një nga opsionet e mëposhtme deri më 31 dhjetor 2026 (raportimi bëhet në Janar/Shkurt 2027):
Opsioni A (i rekomanduar):
- Minimum 30 orë EVP të verifikuara/strukturuara.
- Të gjitha orët duhet të kryhen ekskluzivisht në programe të IKAF-it: seminare, punëtori, konferenca dhe trajnime online.
Opsioni B (kombinim fleksibël):
- Minimum 40 orë EVP në total gjatë vitit 2026.
- Minimum 24 orë nga programet e verifikuara/strukturuara të IKAF-it.
- Deri në 16 orë mund të vijnë nga programe të tjera profesionale të akredituara ose aktivitete të tjera të njohura si EVP jo të verifikuara/jo të strukturuara, me aprovimin paraprak të IKAF-it.
Për më shumë informacion mbi politikën e EVP, vizitoni: www.ikaf.org/ngjarje/evp
Rikujtim për përmbushjen e detyrimeve të vitit 2025
Viti 2025 ka përfunduar, por disa anëtarë nuk e kanë përmbushur ende plotësisht detyrimin për të ruajtur statusin aktiv. Për të siguruar që emri juaj mbetet në listat e KKRF dhe ATK:
- Raportoni të gjitha EVP-të për 2025 sipas rregullave (01.01.2025 – 31.12.2025).
- Detyrimisht, për vitin 2025 duhet të plotësoni minimum 40 orë EVP në total, prej të cilave:
- Minimum 24 orë nga programet e IKAF-it;
- Deri në 16 orë nga programe të tjera profesionale të akredituara ose aktivitete jo të strukturuara.
- Në rast mungese të 24 orëve nga IKAF, regjistrohuni menjëherë në seminare, trajnime ose vetëstudim të disponueshëm në portalin: www.ikaf.org/seminaret
- Shlyeni çdo detyrim financiar të hapur për anëtarësinë 2025 dhe 2026.
- Plotësoni pyetësorin e kontrollit të cilësisë, nëse nuk është bërë ende.
Afati i fundit për raportim dhe korrigjim: 8 shkurt 2026.
Pas kësaj date, emrat që nuk plotësojnë kriteret do të largohen automatikisht nga listat zyrtare të IKAF, KKRF dhe ATK.
Detyrimet dhe mundësitë për vitin 2026
- Pagesa e anëtarësisë vjetore për 2026 duhet të kryhet sa më shpejt (afati: 09.02.2026) për të shmangur vonesa në rifreskimin e listave zyrtare.
- Anëtarët e certifikuar në gjashtëmujorin e dytë të vitit 2025 lirohen nga kërkesa për EVP për vitin 2025, por kanë obligim raportimin e kontrollit të cilësisë.
- Për të marrë faturën dhe kontratën për anëtarësi profesionale ose studentore, vizitoni website-in tonë dhe ndiqni udhëzuesin video hap pas hapi.
Për jo-anëtarët dhe profesionistët e interesuar
Afati për regjistrim në certifikimet profesionale të IKAF-it (16 programe të akredituara) është i hapur deri më 05 mars 2026.
- Aplikoni online: www.ikaf.org/aplikimi-online
- Përfitoni certifikime në kontabilitet, auditim, financa, EVP/CPD dhe më shumë.
- Për konfirmime, sqarime ose asistencë në aplikim:
- Email: trajnim@ikaf.org
- Telefon: +383 44 118 346
Veproni sa më shpejt – afatet po afrohen dhe listat zyrtare rifreskohen rregullisht!
Faleminderit për përkushtimin tuaj ndaj standardeve profesionale dhe ndaj IKAF-it. Ju presim në seminaret dhe programet tona për të vijuar rritjen profesionale bashkë!
