7 dhjetor 2024
Instituti IKAF organizoi me sukses seminarin “Parashikimi Financiar Bazuar në SNRF” në kuadër të Edukimit të Vazhdueshëm Profesional. Ky seminar u mbajt nën udhëheqjen e auditorit të certifikuar, Lirim Lani i cili është edhe ligjërues në IKAF, dhe ofroi një përvojë unike për profesionistët e financave, kontabilitetit dhe menaxhimit të të dhënave financiare.
Seminari u fokusua në zhvillimin e aftësive praktike për modelimin dhe parashikimin financiar, duke përdorur MS Excel si një mjet të fuqishëm analitik.
Pjesëmarrësit përfituan:
- Njohuri të avancuara për funksionet financiare dhe analizën e të dhënave.
- Aftësi për ndërtimin e skenarëve dhe simulimin e ndjeshmërisë.
- Orë të vlefshme të verifikueshme për Edukimin e Vazhdueshëm Profesional (EVP/CPD).
Programi i seminarit ishte i ndarë në disa module kyçe, përfshirë:
- Veçoritë e Avancuara të MS Excel: Funksionet financiare dhe simulimet e ndjeshmërisë.
- Ndërtimi i Modeleve të Skenarëve për Parashikim Financiar: Për të ardhurat dhe pozitat financiare.
- Integrimi i të dhënave të tregut dhe politikave ekonomike: Për një parashikim më të saktë dhe realist.
Pjesëmarrësit e seminarit vlerësuan veçanërisht qasjen praktike dhe profesionalizmin e ligjëruesit Lirim Lani. Diskutimet interaktive dhe ushtrimet praktike ndihmuan në përvetësimin e aftësive të reja dhe zbatimin e tyre në situata reale.
Instituti IKAF mbetet i përkushtuar për të ofruar programe trajnimi që pasurojnë aftësitë dhe dijet e profesionistëve. Ky seminar është vetëm një nga hapat e shumë që IKAF ndërmerr për të avancuar edukimin dhe zhvillimin profesional në Kosovë dhe më gjerë.
