IKAF ka organizuar seminarin/punëtorinë e radhës me temën “Auditimi i Sistemit të Burimeve Njerëzore”, e vlefshme për kredi në Edukim të Vazhdueshëm Profesional (EVP).
Gjatë kësaj punëtorie u trajtuan çështje të ndryshme që kanë të bëjnë me auditimin e sistemit të burimeve njerëzore, si:
– Baza ligjore dhe standardet ndërkombëtare për auditimin e Sistemit të Burimeve Njerëzore;
– Roli dhe përgjegjësitë e personelit të burimeve njerëzore në procesin e auditimit të burimeve njerëzore;
– Raportimi dhe rekomandimet për auditimitn e Sistemit të Burimeve njerëzore.
Ligjëruesja Xhyldane Kiçmari, ka paraqitur edhe raste studimore të cilat ndodhin në praktikë gjatë punës së përditshme.
Duke u bazuar në raste studimore, pjesëmarrësit-auditorë të brendshëm, patën mundësinë të kuptojnë procesin e auditimit të sistemit të burimeve njerëzorë. Ndërsa, pjesëmarrësit nga sektori i burimeve njerëzore, patën mundësinë që të mësojnë më shumë për rolin që duhet ta luajnë ata gjatë auditimit të sistemit të burimeve njerëzore dhe përfitimet që sjellë auditimi i burimeve njerëzore në punën e tyre.
Pjesëmarrësit nga ky seminar, përveç ligjëratave, morën edhe literature shtesë që ndërlidhet me temën si dhe certifikata të pjesëmarrjes.
