Ligjëruesi ng IKAF, Hajdar Hoxha, ka marr pjesë në seminarin për Auditim dhe Mbikëqyrje publike të auditorëve dhe firmave të auditimit, të organizuar në Slloveni.
Pjesëmarrja e profesorit Hoxha në këtë ngjarje, të organizuar me 8 dhe 9 korrik, u realizua përmes ftesës së profesorit slloven me renome evropiane, Luka Kumer, drejtuar Institutit për Kontabilitet, Auditim dhe Financa (IKAF).
Temat e trajtuara në këtë seminar kanë pasur të bëjnë me rregullat e auditimit të përcaktuar nga direktivat e BE, Standardet Ndërkombëtare të Auditimit, Deklarata e praktikës dhe Kodi i Etikës i nxjerrë nga Federata Ndërkombëtare e Kontabilistëve (IFAC) si dhe legjislacioni slloven.
Si rrjedhojë e kësaj, audienca pati rastin të përfitojë njohuri për fushat kryesore të rregullores (BE) 537/2014, e zbatueshme në të gjitha shtetet anëtare nga 17 qershori 2016, siç janë raportet e auditimit dhe shërbimet tjera që ndërlidhen direkt me auditim.
Gjithashtu, metodologjia e mbikëqyrjes publike ishte temë e trajtuar në këtë seminar, rrjedhimisht qasja e bazuar në rrezik, duke përmbajtur edhe shembuj praktikë dhe përvoja nga eksperti ndërkombëtar si dhe nga anëtarët e tjerë prezentë. Pjesa e fundit e kësaj ngjarje ishte trajtimi i aspekteve të zbatimit, duke përfshirë çështje praktike me të cilat do të ballafaqohen auditorët.
