Ruajtja e të dhënave të klientëve pritet të jetë ndër sfidat kryesore për kontabilistët apo edhe për firmat që ofrojnë shërbime kontabiliteti.
Me zhvillimin e teknologjisë dhe automatizimin e shërbimeve, grumbullimi dhe ruajtja e të dhënave do të jetë një sfidë për kontabilistët, duke pasur parasysh mundësinë që ato rrezikohen nga vjedhësit kibernetik.
Ndër pikat më kritike pritet të jetë rreziku që këta vjedhës kibernetik të arrijnë deri te dokumentet e klientëve, kryesisht kartelat bankare, dhe t’i keqpërdorin ato.
Ndonëse në Kosovë kjo çështje mund të jetë ende jo evidente, si shkak i mos përdorimit në masë të platformave online për mbledhje, ruajtje dhe përpunim të të dhënave, IKAF përmes një manuali të publikuar nga kompania amerikane CPA Charge, sjell trajtimin e këtij shqetësimi që po e bëjnë kompanitë në SHBA.
Në këtë publikim të titulluar “Shembull për Politika të Sigurisë për firmat e Kontabilitetit”, paraqiten edhe disa sugjerime se si firmat e kontabilitetit duhet të veprojnë në aspektin e trajtimit dhe ruajtjes së të dhënave të klientëve.
