Në kuadër të Edukimit të Vazhdueshëm Profesional (EVP), Instituti për Kontabilitet, Auditim dhe Financa (IKAF) organizoi seminarin e radhës “Kontrolli i brendshëm & Parandalimi i mashtrimit”.
Në këtë seminar, i cili po mbahet këtë fundjavë në Durrës, po trajtohen tema të rëndësishme që kanë të bëjnë me zbatimin efektiv të kontrollit të brendshëm në parandalimin e mashtrimit.
Pjesëmarrësit në këtë seminar, ndër të tjera, do kenë mundësi që të mësojnë më shumë dhe të debatojnë për këto tema me profesorin – Lirim Amiti.
Pjesëmarrësit do të mësojnë të eksplorojnë trendet aktuale lidhur me zbatimin e kontrollit të brendshëm në parandalimin e mashtrimit. Ky seminar shumë interaktiv dhe dinamik ju jep mundësi pjesmarrësve përmes ndarjes në grup, aktivitete të përqëndruara dhe simulimeve të mësojnë të përballen me sfidat e zbatimit të kontrollit të brendshëm, menaxhimit të mashtrimeve dhe burimeve si t’iu kundërvihet këtyre sfidave.
Ndër temat kryesore që po trajtohen në këtë seminar janë:
- Objektivat, komponentët dhe parimet e një kuadri efektiv të kontrollit të brendshëm.
- Rolet dhe përgjegjësitë që secili grup në një organizatë ka në lidhje me kontrollet e brendshme.
- Llojet e ndryshme të kontrolleve dhe aplikimin e duhur për secilën prej tyre.
- Rëndësia dhe roli i kontrolleve të brendshme në parandalimin dhe zbulimin e mashtrimit.
- Vlerësimi i llojeve të ndryshme të skemave të mashtrimit.
- Identifikimi i flamujve të zakonshëm të kuq të mashtrimit.
- Si të kuptoni skema të ndryshme të mashtrimit të pasurive me qëllim të hartimit dhe zbatimit të kontrolleve të brendshme të përshtatshme.
- Si të rritet niveli i ndërgjegjësimit të punonjësve në një organizatë për mashtrimin.
- Si të hartohen dhe zbatohen kontrollet në të gjithë entitetin për të parandaluar mashtrimin.
- Rolet dhe përgjegjësitë e palëve të ndryshme në të gjithë organizatën në lidhje me menaxhimin e rrezikut të mashtrimit.
- Si të kuptoni sfidat kryesore në menaxhimin e mashtrimit dhe burimet për t’iu kundërvënë këtyre sfidave
- Raste studimore – praktike.
Ky seminar, u organizua në kuadër të Edukimit të Vazhdueshëm Profesional (e obliguar edhe me standarde vijimi me së paku prej 30-40 orë brenda vitit), me ç’rast pjesëmarrësit do të përfitojnë orë të verifikueshme (EVP/CPD).
