IKAF të mërkuren organizoi një takim informues me studentët e fakultetit Ekonomik të Universiteti “Kadri Zeka” në Gjilan. Ky takim shërbeu për të njoftuar të interesuarit lidhur me porgramet e trajnimeve si dhe për arritjet e fundit në nivel ndërkombëtar.
Në këtë takim, përfaqësues të IKAF-it shpalosën para studentëve gjilanas detaje rreth niveleve të trajnimit, Eduktimit të Vazhdueshëm Profesional (EVP), kreditë dhe aspektet tjera teknike rreth regjistrimeve.
Ndër pikat kryesore të diskutimit ishte edhe mundësia e punësimit përmes avancimit profesional, sidomos përmes nivelit Nëpunës Kontabiliteti (Bookkeeping), që sipas të dhënave të IKAF-it, certifikimi në këtë nivel u ofron vijuesve mundësi gati 100% për të gjetur një vend pune.
IKAF parasheh që takime të tilla informuese të organizojë edhe më tutje edhe në qendra tjera të Kosovës.
