IKAF, për çdo dit e më shumë, është duke e rritur popullaritetin dhe duke u pozicionuar qëndrueshëm si instituti numër një në Kosovë në fushën e edukimit profesional në kontabilitet, auditim e financa.
Këtë po e dëshmon edhe shtimi rekord i të interesuarve për të vijuar certifikimet dhe trajnimet profesionale. Vetëm gjatë ditës së enjte (25/06/2020), numri i vizitorëve në ueb-faqen zyrtare ka thyer një rekord, duke arritur në 1 mijë e 400. Ky numër i vizitorëve u regjistrua, pas shpalljes së afatit përaplikim, gjë që tregon për shtimin e të interesimit për certifikimet në IKAF.
Kjo shifër tregon se IKAF është bërë instituti më serioz dhe inovativ në Kosovë dhe më gjerë në fushën e edukimit të vazhdueshëm profesional, duke u ofruar studentëve certifikime të vlefshme në mbarë botën.
IKAF falënderon të gjithë të interesuar të cilët shprehin gatishmëri për të qenë pjesë e programeve të edukimit profesional dhe, në të njëjtën kohë, u premton se do të mbetët i angazhuar për ngritje të vazhdueshme të cilësisë dhe vlefshmërisë së certifikimeve, si dhe arritje të partneriteteve të dobishme me organizata serioze ndërkombëtare.
