Për herë të parë në Kosovë e rajon, kanë nisur në Prishtinë ligjëratat në certifikimin amerikan CMA (Certified Management Accountant) me vlerë globale.
Instituti Amerikan për Menaxhim të Kontabilitetit (IMA) dhe Instituti për Kontabilitet, Auditim dhe Financa (IKAF), e kanë bërë të mundshme që për herë të parë certifikimi CMA të bëhet i mundshëm edhe për të interesuarit rajonit tonë. Ligjëratat e modulit të parë të CMA-s do mbahen nga profesoresha holandeze Brigitte de Graaff që vjen nga “Vrije Universiteit i Amsterdamit”.
Certifikimi CMA ndahet në 2 module kryesore, pjesë e së cilave janë lëndët që janë të përshtatshme me kërkesat e pozitave për të cilat ky certifikim është i krijuar.
Ndërsa afatet e provimeve për këto module, do të jenë gjatë muajit Maj dhe Qershor të këtij viti.
CMA që renditet në top 3 certifikimet më të vlerësuara në botë në fushën e kontabilitetit dhe financave, u mundëson të certifikuarve që të jenë të listuar lartë për nga mundësitë që u ofrohen për punësim në të gjithë botën.
Ky certifikim është i dedikuar për të gjithë profesionistët e kontabilitetit apo financave që aspirojnë ngritje në nivel menaxherial.
CMA është përparësi e lartë edhe për ata që tashmë kanë një pozitë të lartë e që donë të pajisen me njohuri bashkëkohore në fushën e kontabilitetit dhe financave.
Modulet e CMA-së
Pjesa e parë: Planifikim Financiar, Performancë dhe Analizë
Vendime për Raportim të Jashtëm Financiar
Planifikim, Buxhetim dhe Parashikim të Perfromancës Menaxheriale
Menaxhmenti i Kostos
Kontroll i Brendshëm
Pjesa e dytë: Menaxhimi Strategjik Financiar
Analizë e Pasqyrave Financiare
Financa të Koorporatave
Analizë në Vendimmarrje
Menaxhement i Riskut
Vendimmarrje në Investime
Etika Profesionale
Disa nga sugjerimet për ligjërata dhe njohuri shtesë lidhur me CMA:
• Rekomandohet që mesatarisht të mësohet nga 150 në 170 orë
• Kalueshmëria botërore në këtë CMA është 50%
• Mesatarisht rreth 4000 mijë CMA certifikohen brenda vitit
