Nëpunësit Kontabiliteti (Bookkeeping), mund të punojnë në shumë organizata, duke përfshirë firmat e kontabilitetit, shërbimet e përgatitjes së taksave dhe organizatat e pagave. Ky profesion gjithashtu është i përshtatshëm për departamente qeveritare, shkolla dhe kryesisht për biznese të vogla dhe të mesme të industrive të ndryshme.
Por cilat në të vërtetë janë detyrat e një Nëpunës të Kontabilitetit?
Përgjegjësitë
Regjistrimi dhe bilanci i transaksioneve financiare për punëdhënësin ose klientin, janë vetëm disa nga përgjëgjësitë e Nëpunësit të Kontabiliteti. Përgjegjësitë mund të ndryshojnë varësisht nga natyra e veprimtarisë së klientit. Ndërsa, detyrat e një Nëpunësi të Kontabilitetit tipik përfshijnë:
Regjistrimi i shpenzimeve të biznesit dhe të ardhurave tw pranuara në libra fizikë ose në softuerin e kontabilitetit dhe zyrës;
Marrja, procesimi dhe regjistrimi i pranimit të parave, çeqeve dhe kuponave për klientët;
Dërgimi pagesave të klientit apo punëdhënësit në kesh, çeqe apo forma tjera tek institucionet financiare;
Përgatitja dhe shpërndarja e faturave për të mbledhur parat që i detyrohen klientëve të biznesit;
Identifikimi i palëve që u kanë para borxh klientëve;
Pranimi i faturave dhe verifikimi i listës së pranimeve të produkteve dhe shërbimve;
Përputhja e faturave me kontratat dhe urdhër-pagesat;
Të sigurohet që ka përpunim korrekt dhe të shpejtë të pagesave;
Kalkulimi i listës së pagave për të qenë të sigurtë që janë paguar të gjithë klientët e biznesit, dhe se të gjithë punonjësit e kontraktuar kanë pranuar paga të shpejta dhe të sakta;
Riimbursim i punonjësit për shpenzimet e biznesit;
Shpërndarja e parave të imëta tek punonjësit;
Procesimi dhe dosjimi i taksave për paga;
Menaxhimi i furnizimit me produkte dhe pajisjeve për zyrë;
Regjistrimi për inventor;
Prodhimi i raporteve financiare mujore, tremujore dhe vjetore, duke përfshirë bilancet e gjendjes, pasqyrat e të ardhurave, totali për llogari duke për fshirë ato të arkëtueshme dhe të pagueshme;
Verifikimi saktësisë së të gjitha shpenzimeve dhe shifrave nga të ardhurat dhe raporteve financiare;
Zgjidhja e mospërputhjeve në raportin financiar;
Komunikoni me klientët e biznesit ose punëdhënësit për situatat e tyre financiare, nevojat e buxhetit dhe kufizimet buxhetore;
Përgatitja e raporteve e të hyrave tremujore si dhe depozita tatimore të listës së pagave;
Përgatitja e raporteve vjetore për pagesa të taksave komunale dhe qendrore.
