Si shumë anëtarë të IKAF edhe Mentor Balaj ka arritur njohje ndërkombëtare të Certifikatës së marrë nga ne, duke u bërë anëtarë i plotë i organizatës Angleze IFA (Institute of Financial Accountant) dhe asaj Australiane (Institute of Public Accountant) IPA. Këto arritje po ndodhin falë partneritetit të IKAF me organizata ndërkombëtarë.
IKAF është shndërruar në adresë kryesore në Kosovë dhe rajon me nivelin profesional dhe cilësinë e lartë të certifikimeve/kualifikimeve. Ndër arritjet kryesore që karakterizojnë periudhën qe po lëmë pas vazhdon të jetë arritja e shumë marrëveshjeve ndërkombëtare pa marrë parasysh situatën e krijuar nga pandemia COVID-19.
Këto marrëveshje po u lejojnë anëtarëve tanë njohje në rrafshin internacional, duke i’u mundësuar atyre qasje në tregun ndërkombëtarë, ushtrimin e profesionit në vende të ndryshme të botës, dhe realizmin e qëllimeve të tyre në karrierë.
Njëri nga ta është edhe Mentor Balaj, i cili nuk heziton të paraqesë arritjet e tija, duke thënë:
“Certifikata e IKAF më ka ndihmuar shumë në karrierën time duke më mundësuar njohje nga IPA dhe IFA, dhe falë kësaj po mundem të ushtrojë profesionin edhe në Gjermani dhe Zvicër”, tha Z. Balaj.
Vlenë te theksohen edhe seminaret e shumta të organizuara në bashkëpunim me organizatat partnere të IKAF, ku nga të fundit është edhe ai i 14 Shkurtit 2020 së bashku me përfaqësues të organizatave IFA (Institute of Financial Accountant) / (Institute of Public Accountant) IPA nga Britania e Madhe dhe Australia. Prezent ishte udhëheqësi i sektorit të zhvillimit Jonathan Barber ku mes tjerash paraqiti shtrirjen e veprimtarisë së këtyre organizatave si dhe mundësitë që anëtarët e IKAF do t’i kenë në njohje ndërkombëtare të certifikimeve profesionale, përmes partneritetit IKAF- IFA/IPA.
Për arritjet tjera të radhës do ju mbajmë të informuar në vazhdim…
