IKAF është duke e monitoruar nga afër gjendjen e krijuar nga COVID-19, për të ndërmarr veprime praktike në mënyrë që të sigurohet për shëndetin dhe sigurinë e anëtarëve, kandidatëve dhe të tjerëve që janë pjesë e komunitetit tonë.
Siç është cekur edhe në njoftime e publikimet e fundit, IKAF ka vendosur që të mos organizojë për momentin trajnime apo ngjarje tjera të ngjashme në klasë, bazuar në këshillat dhe vendimet e dala nga Qeveria e Kosovës, për t’iu shmangur tubimeve dhe për të ruajtur distancën sociale mes njerëzve.
Ne jemi duke punuar shumë që të zhvendosim të gjitha ngjarjet e organizuara deri më tani në klasa, në versionet “Online”. Kjo iniciativë e IKAF është bërë që anëtarëve t’u lejohet mundësia të procedojnë me Edukimin e Vazhdueshëm Profesional (EVP). Siç dihet, kjo do të jetë një iniciativë e vështirë dhe, për këtë arsye, kërkojmë nga i gjithë komuniteti ynë që të bashkëpunojnë, në mënyrë që të realizohet ky qëllim.
Duke i parë zhvillimet e fundit në lidhje me përhapjen e COVID-19, dhe pamundësinë që të parashikohet përfundimi i kësaj periudhe emergjente, IKAF ka vendosur që të përqendrohet tërësisht në ofrimin e shërbimeve në versionin online, përfshi dhe të gjitha ligjëratat e trajnimet.
Në vazhdim i gjeni sqarimet shtesë për operimin online, përmes përgjigjeve në pyetjet më të shpeshta të bërë nga ju.
Pyetjet dhe Përgjigje mund ti gjeni duke klikuar këtu