Të mërkurën me datës 8 dhjetor 2021, QKBK nënshkroi Memorandumin e Mirëkuptimit me Institutin KAF.
Instituti KAF është OJQ e licencuar në Këshillin e Raportimit Financiar të Kosovës, anëtar i Grupit Ndërkombëtar të Kontrollit (IGC), Këshillit Ndërkombëtar të Standardeve të Vlerësimit (IVSC), në procesin e anëtarësimit në Federatën Ndërkombëtare të Kontabilistëve (IFAC), e akredituar nga Shoqata Kombëtare e Bordeve Shtetërore të Kontabiliteti (NASBA), Autoriteti Kombëtar i Kualifikimit (AKK) dhe shumë marrëveshje të tjera ndërkombëtare për njohjet e dyfishta të titujve të lëshuar.
Instituti organizohet dhe funksionon me qëllim përgatitjen e kuadrove profesionale në fushën e kontabilitetit, auditimit dhe financës, si dhe avokim në fusha të tjera të ekonomisë duke ofruar programe të ndryshme për trajnim, testim dhe certifikim profesional.
Instituti po siguron zbatimin e standardeve profesionale në fushën e kontabilitetit, raportimit financiar, auditimit dhe fushave të tjera profesionale dhe gjithmonë në bazë të interesit publik. Në bazë të këtij Instituti IKAF ofron këto kualifikime:
- Teknik i Kontabilitetit
- Kontabilist i certifikuar
- Auditor i certifikuar
- Auditues i Brendshëm i Certifikuar në Sektorin Privat dhe Publik
- Këshilltar tatimor
- Certifikimi në IPSAS
- Zyrtar i Certifikuar në Menaxhimin e Financave Publike
- Auditor i certifikuar IT
- Menaxher i riskut i certifikuar
- Vlerësues i biznesit i certifikuar
- Ekspert i Licencuar i Forenzikës Financiare
- Kontroller i certifikuar
- CFO i certifikuar
- Nëpunës i Kontabilitetit
- Kontroller i licencuar
- Vlerësues i Biznesit i Licencuar
- Këshilltar tatimor i licencuar
Instituti KAF ka arritur të bëhet adresa kryesore rajonale si organizatë profesionale e cila ofron çertifikata të njohura globalisht.
