Instituti për Kontabilitet, Auditim dhe Financa (IKAF) Shpall Konkurs për pozitat e mëposhtme
Instituti për Kontabilitet, Auditim dhe Financa (IKAF) është institucioni kryesor në Kosovë për trajnimin dhe certifikimin e profesionistëve në financë, kontabilitet, auditim të brendshëm dhe të jashtëm, financa publike, e vlerësues të bizneseve. Me një reputacion të ndërtuar mbi cilësi dhe inovacion, IKAF ofron programe të akredituara dhe të njohura ndërkombëtarisht, duke ngritur standardet profesionale dhe përgatitur liderët e së nesërmes. Ne jemi të përkushtuar për të fuqizuar individët dhe për të ndihmuar në ndërtimin e një ekonomie të qëndrueshme përmes edukimit të avancuar dhe zhvillimit të vazhdueshëm profesional.
Kjo është një mundësi unike për të qenë pjesë e një ekipi dinamik dhe inovativ, ku përkushtimi për zhvillim profesional dhe rritje individuale inkurajohet dhe mbështetet në çdo hap. Pozitat e shpallura janë për punësim me orar të plotë. Nëse jeni të motivuar për të bërë ndryshim dhe për të kontribuar në formësimin e së ardhmes së profesionistëve financiarë në Kosovë dhe rajon, ju ftojmë të aplikoni për një nga pozitat tona të hapura.
POZITAT E HAPURA:
- Menaxher Administrativ (1 pozitë)
- Specialist Financiar (1 pozitë)
- Specialist i IT dhe Menaxhimit të Platformave Edukative (1 pozitë)
- Specialist i Marketingut dhe Marrëdhënieve me Publikun (1 pozitë)
- Specialist për Zhvillim dhe Partneritete (1 pozitë)
- Koordinator i Trajnimeve (1 pozitë)
- Zyrtar i Certifikimeve dhe Edukimit të Vazhdueshëm Profesional (1 pozitë)
- Zyrtar i Shërbimeve për Studentët dhe Anëtarët (2 pozita)
Ju ftojmë të aplikoni dhe të bëheni pjesë e ndryshimit që IKAF po krijon në tregun e certifikimeve profesionale në Kosovë dhe rajon! Ne inkurajojmë të gjithë të interesuarit nga Kosova dhe Shqipëria të aplikojnë për këto pozita.
Aplikimi vetëm me GOOGLE FORM – bit.ly/3Xgwc4K
POZITAT, DETYRAT, PËRGJEGJËSIT DHE KËRKESAT
1. Menaxher Administrativ
Detyrat dhe Përgjegjësitë:
Mbikëqyrja e Operacioneve: Drejtimi dhe mbikëqyrja e të gjitha proceseve operacionale të institutit, përfshirë administrimin e burimeve njerëzore, menaxhimin e zyrës, dhe zbatimin e politikave dhe procedurave.
Përmirësimi i Procesit: Identifikimi dhe zbatimi i përmirësimeve në proceset operacionale për të rritur efikasitetin dhe efektivitetin e organizatës.
Raportimi: Sigurimi i raportimeve të rregullta dhe të sakta për udhëheqësin e përgjithshëm administrativ, duke përfshirë analizën e të dhënave dhe rekomandimet për përmirësime.
Bashkëpunimi me Departamentet: Koordinimi me departamentet e tjera për të siguruar që të gjitha operacionet e institutit të zhvillohen pa probleme dhe në përputhje me objektivat strategjike.
Kriteret:
- Diplomë universitare në Administrim Biznesi, Menaxhim, ose fusha të ngjashme.
- Përvojë të paktën 5-vjeçare në një rol të ngjashëm menaxherial.
- Aftësi të shkëlqyera organizative dhe drejtuese.
2. Specialist Financiar
Detyrat dhe Përgjegjësitë:
Menaxhimi i Financave: Përgatitja dhe monitorimi i buxhetit të institutit, përfshirë parashikimin dhe menaxhimin e shpenzimeve dhe të ardhurave.
Raportimi Financiar: Përgatitja e raporteve financiare të sakta dhe të përditësuara për menaxhmentin, përfshirë analizën e të dhënave financiare dhe raportimin e indikatorëve kryesorë të performancës.
Kontrolli i Transaksioneve: Sigurimi i monitorimit dhe kontrollit të të gjitha transaksioneve financiare për të siguruar pajtueshmëri me politikat dhe procedurat e institutit.
Auditimi: Mbështetje në proceset e auditimit të brendshëm dhe të jashtëm për të siguruar që praktikat financiare janë në përputhje me standardet dhe rregulloret përkatëse.
Kriteret:
- Diplomë në Financë, Kontabilitet ose Ekonomi.
- Certifikim profesional në IKAF
- Përvojë të paktën 3-vjeçare në një rol financiar
3. Specialist i IT dhe Menaxhimit të Platformave Edukative
Detyrat dhe Përgjegjësitë:
Mirëmbajtja e Infrastrukturës IT: Administrimi dhe mirëmbajtja e rrjetit IT dhe pajisjeve të institutit, duke përfshirë databazat, kompjuterët dhe pajisjet e tjera teknologjike.
Menaxhimi i Platformave Edukative: Administrimi dhe mbështetja e platformave edukative online që përdoren për trajnime dhe certifikime, përfshirë menaxhimin e përdoruesve dhe zgjidhjen e problemeve teknike.
Siguria e Sistemeve: Zhvillimi dhe zbatimi i masave për të mbrojtur të dhënat dhe sistemet e institutit nga kërcënimet e sigurisë, përfshirë mbikëqyrjen e aksesit dhe përditësimin e softuerëve të sigurisë.
Mbështetja Teknike: Ofrimi i mbështetjes teknike për stafin, trajnerët dhe anëtarët e institutit, duke adresuar dhe zgjidhur çështjet teknologjike në kohë reale.
Kriteret:
- Diplomë në Informatikë, Teknologji Informative ose fusha të ngjashme.
- Përvojë të paktën 3-vjeçare në menaxhimin e sistemeve IT ose programim sistemeve.
- Njohuri të shkëlqyera në platforma edukative online.
4. Specialist i Marketingut dhe Marrëdhënieve me Publikun
Detyrat dhe Përgjegjësitë:
Zhvillimi i Strategjive të Marketingut – Krijimi dhe zbatimi i strategjive efektive të marketingut për të promovuar aktivitetet dhe programet e IKAF.
Menaxhimi i Marrëdhënieve me Publikun – Mbajtja dhe zhvillimi i marrëdhënieve me media, partnerë, dhe palë të interesuara për të siguruar një imazh të mirëfilltë të organizatës.
Krijimi i Përmbajtjes për Rrjetet Sociale – Hartimi dhe publikimi i përmbajtjeve kreative, përfshirë krijimin e videove promovuese, grafikave dhe materialeve të tjera për platformat sociale si Facebook, Instagram, LinkedIn, dhe YouTube.
Menaxhimi i Fushatave Online – Zhvillimi dhe menaxhimi i fushatave të marketingut dixhital për të rritur ndërgjegjësimin dhe angazhimin.
Analiza e Performancës së Fushatave – Monitorimi dhe raportimi mbi performancën e fushatave të marketingut dhe marrëdhënieve me publikun, duke analizuar të dhënat për përmirësime të mëtejshme.
Kriteret:
- Diplomë në Marketing, Komunikim ose fusha të tjera.
- Përvojë të paktën 3-vjeçare në një rol të ngjashëm.
- Aftësi të shkëlqyera komunikuese dhe kreative.
5. Specialist për Zhvillim dhe Partneritete
Detyrat e Punës për Specialistin për Zhvillim dhe Partneritete:
Zhvillimi dhe Menaxhimi i Partneriteteve – Identifikimi, ndërtimi, dhe menaxhimi i marrëdhënieve me partnerë lokalë dhe ndërkombëtarë.
Zhvillimi i Projekteve – Propozimi dhe implementimi i projekteve të përbashkëta me partnerë strategjikë.
Aplikime për Grante dhe Fonde – Hulumtimi dhe përgatitja e aplikimeve për financime dhe grante.
Monitorim dhe Raportim – Përgatitja e raporteve mbi progresin e partneriteteve dhe projekteve.
Zhvillimi i Kurrikulave: Azhurnimi, hartimi dhe zhvillimi i kurrikulave të reja për programet e trajnimit dhe certifikimit, duke siguruar që përmbajtja e kurrikulës të jetë në përputhje me standardet më të larta të edukimit dhe profesionale.
Implementimi në Platforma Edukative: Zhvillimi dhe integrimi i kurrikulave në platforma edukative online, duke siguruar që ato të jenë të lehta për t’u përdorur dhe efektive për pjesëmarrësit.
Vlerësimi i Kurrikulave: Monitorimi dhe vlerësimi i efektivitetit të kurrikulave të zhvilluara, duke mbledhur dhe analizuar reagimet e pjesëmarrësve dhe duke bërë përmirësime të nevojshme.
Koordinimi me Ekspertë dhe Trajnerë: Bashkëpunimi me ekspertë të fushës dhe trajnerë për të siguruar që përmbajtja e kurrikulave të jetë relevante dhe e azhurnuar, duke ndjekur trendet më të fundit të industrisë.
Kriteret e Punësimit:
- Diplomë Universitare – Në zhvillim biznesi, menaxhim projektesh, ose fusha të ngjashme.
- Përvojë – Minimumi 3 vjet në menaxhimin e partneriteteve dhe projekteve.
- Aftësi Komunikuese – Të shkëlqyera në gjuhën shqipe dhe angleze.
- Aftësi Organizative – Për menaxhimin e disa projekteve njëkohësisht.
7. Zyrtar i Certifikimeve dhe Edukimit të Vazhdueshëm Profesional
Detyrat dhe Përgjegjësitë:
Administrimi i Procesit të Certifikimit: Menaxhimi dhe përpunimi i të gjitha aplikacioneve për certifikim, duke përfshirë verifikimin e dokumentacionit të nevojshëm dhe sigurimin që të gjitha kërkesat për certifikim të plotësohen sipas standardeve të Institutit KAF.
Monitorimi i Edukimit të Vazhdueshëm Profesional (EVP): Mbikëqyrja dhe monitorimi i programeve të edukimit të vazhdueshëm profesional për të siguruar që të gjithë anëtarët përmbushin kërkesat e EVP, duke përfshirë regjistrimin dhe përditësimin e orëve të kredituara për pjesëmarrësit.
Përgatitja dhe Mirëmbajtja e Databazës: Mirëmbajtja e një sistemi të saktë dhe të azhurnuar të regjistrimeve për të gjithë kandidatët dhe anëtarët që kanë përfunduar programet e certifikimit dhe EVP.
Komunikimi dhe Mbështetja për Kandidatët: Ofrimi i udhëzimeve dhe mbështetjes për kandidatët gjatë procesit të certifikimit dhe EVP, duke përfshirë sqarimin e kritereve dhe procedurave, si dhe adresimin e pyetjeve dhe shqetësimeve të tyre.
Zhvillimi i Politikave dhe Procedurave: Pjesëmarrja në zhvillimin dhe përmirësimin e politikave dhe procedurave që lidhen me procesin e certifikimit dhe EVP, për të siguruar që ato të jenë në përputhje me standardet ndërkombëtare dhe praktikat më të mira.
Organizimi i Evenimenteve të Certifikimit: Koordinimi dhe organizimi i ceremonive të certifikimit dhe evenimenteve të tjera të lidhura, duke siguruar që ato të zhvillohen në mënyrë të suksesshme dhe profesionale.
Raportimi dhe Analiza: Përgatitja e raporteve të rregullta mbi statusin e programeve të certifikimit dhe EVP, duke përfshirë analizën e të dhënave për të identifikuar trende dhe përmirësime të mundshme.
Kriteret:
- Diplomë universitare
- Përvojë të paktën 3-vjeçare në një rol të ngjashëm administrativ.
- Njohuri të shkëlqyera në menaxhimin e të dhënave dhe proceset administrative.
- Aftësi të mira organizative dhe vëmendje ndaj detajeve.
- Aftësi të mira komunikimi dhe shërbimi ndaj klientit.
8. Zyrtar i Shërbimeve për Studentët dhe Anëtarët
Detyrat dhe Përgjegjësitë:
Mbështetja e Studentëve dhe Anëtarëve: Ofrimi i këshillimit dhe mbështetjes për studentët dhe anëtarët gjatë procesit të regjistrimit, trajnimit dhe certifikimit, duke përfshirë zgjidhjen e pyetjeve dhe shqetësimeve të tyre.
Administrimi i Procesit të Regjistrimit: Menaxhimi i procesit të regjistrimit për të gjithë programet e ofruara nga instituti, duke përfshirë mbajtjen e të dhënave të sakta dhe të azhurnuara për të gjithë pjesëmarrësit.
Komunikimi me Pjesëmarrësit: Koordinimi dhe komunikimi i rregullt me studentët dhe anëtarët për të siguruar që ata të jenë të informuar për të gjitha hapat e nevojshëm dhe datat e rëndësishme të programeve të tyre.
Organizimi i Evenimenteve për Studentët dhe Anëtarët: Koordinimi dhe organizimi i aktiviteteve dhe evenimenteve që përfshijnë studentët dhe anëtarët, përfshirë orientimin, ceremonitë e diplomimit dhe eventet sociale.
Mbledhja dhe Analizimi i Feedback-ut: Zhvillimi dhe zbatimi i metodave për mbledhjen e feedback-ut nga studentët dhe anëtarët, dhe analizimi i të dhënave për të identifikuar fushat për përmirësim.
Kriteret:
- Diplomë universitare
- Përvojë të paktën 2-vjeçare në një rol të ngjashëm
- Aftësi të shkëlqyera komunikuese dhe ndërpersonale.
- Aftësi të mira organizative dhe vëmendje ndaj detajeve.
Si të Aplikoni?
Për të aplikuar për njërën nga këto pozita, ju lutemi ngarkoni CV-në, Letrën e Motivimit tuaj dhe shkollimin (diplomën universitare) dhe certifikimet tuaja profesionale në
GOOGLE FORM – bit.ly/3Xgwc4K
Aplikimet përmes metodave të tjera nuk do të merren në konsideratë. Ju lutemi vini re që gjatë periudhës së aplikimit nuk pranojmë telefonata për sqarime.
Ju lutemi të shënoni emrin e pozitës për të cilën po aplikoni.
Instituti KAF rezervon të drejtën e plotë për të zgjedhur ose anuluar konkursin për cilëndo nga pozitat e shpallura në çdo kohë, pa ndonjë detyrim për të dhënë shpjegime. Aplikimet e dorëzuara më herët mund të shqyrtohen paraprakisht, dhe kandidatët potencial mund të ftohen për intervistë para përfundimit të afatit të konkursit. Nëse një kandidat nuk ftohet për intervistë, kjo nuk do të thotë se ai ose ajo nuk i ka përmbushur kriteret, por që Instituti KAF ka vendosur për një listë të caktuar kandidatësh për fazën e intervistave për punësim.
Përfitimet dhe Mundësitë:
- Mundësi për të punuar në një institucion me reputacion të lartë në Kosovë.
- Përfshirja në projekte dhe trajnime të vazhdueshme për zhvillimin tuaj profesional.
- Mjedis pune dinamik dhe inovativ, me mundësi të shumta për avancim në karrierë.
Ne mirëpresim aplikimet nga të gjithë kandidatët e kualifikuar dhe të motivuar për të kontribuar në rritjen dhe zhvillimin e Institutit KAF!
Instituti KAF është një punëdhënës që ofron mundësi të barabarta dhe inkurajon aplikimet nga të gjitha grupet e popullsisë, duke përfshirë minoritetet dhe personat me aftësi të kufizuara.
Ky Konkurs është i hapur deri më 18 Shtator 2024.
Mos humbisni mundësinë tuaj për të qenë pjesë e një ekipi profesionistësh të përkushtuar!
