Prishtinë, 19 dhjetor 2024
Në mbështetje të nenit 10 të Ligjit Nr.06/L-032 për Kontabilitet, Raportim Financiar dhe Auditim, Instituti për Kontabilitet, Auditim dhe Financa, shpallë këtë:
KËRKESË PËR PARAQITJEN E OFERTAVE PËR SHËRBIME TË AUDITIMIT TË PASQYRAVE VJETORE FINANCIARE PËR TRI VITE: 2024, 2025 DHE 2026.
Instituti për Kontabilitet, Auditim dhe Financa (Instituti) është shoqatë profesionale (jo fitimprurëse) e themeluar në vitin 2005 dhe e licencuar nga Këshilli i Kosovës për Raportim Financiar (KKRF) bazuar në Ligjin në fuqi për Kontabilitet, Raportim Financiar dhe Auditim. Veprimtaria themelore e Institutit është ofrimi i edukimit profesional për certifikimin e
kontabilistëve, auditorëve dhe certifikieve të tjera profesionale. Instituti është në kërkim të ofertave për auditimin e Pasqyrave vjetore financiare (PVF) për tri vite: 2024, 2025 dhe 2026 me mundësi të vazhdimit të kontratës edhe për tri vite të tjera.
Drejtori Ekzekutiv i Institutit është përgjegjës për përgatitjen e PVF dhe për vendosjen e kontrolleve të brendshme, të cilat i përcakton si të nevojshme për përgatitjen e PVF pa keqdeklarime materiale, të cilat mund të shkaktohen nga gabimet e mundshme.
- Detyrat dhe përgjegjësitë për kryerjen e auditimit
1.1. Instituti ia dorëzon firmës audituese:
- Deklaraten e pajtueshmërisë;
- Pasqyren e pozites financiare;
- Pasqyren gjithpërfshirëse të të hyrave;
- Pasqyren e ndryshimeve në fonde;
- Pasqyren e rrjedhes së parasë;
- Shënimet përkatëse lidhur me PVF.
1.2. Përgjegjësitë e firmës audituese:
Auditimi i PVF duhet të kryhet në pajtueshmëri me Standardet ndërkombëtare të auditimit (SNA) dhe interpretimet relevante, udhëzimet dhe deklaratat e Bordit të Standardeve Ndërkombëtare të Auditimit dhe Sigurisë (BSNAS), të miratuara nga Këshilli i Kosovës për Raportim Financiar (KKRF), si dhe nga auditorët të cilët kanë aprovim për të kryer auditime siç përcaktohet me Ligjin Nr.06/L-032 për Kontabilitet, Raportim Financiar dhe Auditim (LKRFA).
Auditimi duhet po ashtu të kryhet nëpërputhje të plotë me dispozitat përkatëse të nenit 10 të LKRFA.
Firma e kontraktuar audituese mbahet përgjegjëse për kontrollin dhe sigurimin e cilësisë së punës audituese. Firma audituese, është përgjegjëse që brenda 21 ditëve kalendarike pas pranimit të PFV nga Instituti të bëjë auditimin dhe t’ia dërgoj Institutit Raportin Final. Brenda asaj periudhe përfshihen të gjitha komunikimet ndërmjet Institutit dhe Firmes audituese. Raporti i auditimit dorëzohet brenda afatit të caktuar në formë fizike dhe elektronike.>
2. Kushtet për të parashtruar oferten për auditimin e PVF:
Të drejtë parashtrimi të ofertës kanë Firmat e auditimit të cilat janë të licencuara në përputhshmëri me dispozitat e Ligjit në fuqi për Kontabilitet, Raportim Financiar dhe Auditim. Në aspektin administrativ firmat audituese të cilat parashtrojnë ofertën sipas kësaj kërkese, duhet të paraqesin: - Certifikaten e regjistrimit të firmes/biznesit;
- Kopjen e certifikates/licencës valide në kohë të lëshuar nga KKRF
- Referencat për auditime të ngjashme të kryera nga firma audituese apo auditoret ligjor.
- Listen e kapaciteteve njerëzore, duke përfshirë auditorin/ët dhe rishikuesin/it për kryerjen e auditimit, përkatësisht duhet të prezantojnë mënyren e organizimit për kryerjen e auditimit dhe metodologjinë për kontrollin e cilësisë së auditimit.
- Në aspektin financiar, firmat audituese duhet të parashtrojnë:
Oferten financiare për auditimin e PVF, në të cilen përfshihet shuma e caktuar financiare për secilin vit të auditimit. - Kriteret e përzgjedhjes së ofertuesit:
Firma audituese do të përzgjedhet bazuar në referencat më të mira, kapacitetet njerëzore dhe ofereten më të arsyeshme financiare. - Informacionet të tjera:
Me firmen e përzgjedhur audituese do të nënshkruhet kontratë ku përcaktohen detyrat dhe përgjegjësitë ndërmjetë palëve. Kontrata mund të vazhdohet edhe për tri vite të tjera me marrëveshje ndërmjet palëve. Kompensimi për auditimin e kryer për secilin vit do të bëhet brenda 15 ditëve pas dorëzimit të Raportit të auditimit. - Parashtrimi i ofertave:
Firmat audituese të interesuara mund t’i parashtrojnë ofertat e kompletuara sipas pikes 2 dhe 3 të kësaj kërkese në email adresen: info@ikaf.org, deri me datën 27 dhjetor 2024. ose të drejtohen me shkrim për sqarime në adresen elektronike: info@ikaf.org. Instituti në kohë të arsyeshme do t’i njoftoj ofertuesit për përzgjedhjen e ofertes dhe do ta njoftoj ofertuesin e përzgjedhur për diten e nënshkrimit të kontratës.
Më poshtë keni dokumentin e plotë të thirrjes së hapur për shërbime të auditimit.
