IKAF ka arritur të ketë njohje reciproke me “The Association of Accounting Technicians” (AAT).
AAT është organizatë me shtrirje të gjerë botërore dhe e specializuar në fushën e certifikimit të kontabilistëve, në veçanti në nivelin e Nëpunësve të Kontabilitetit (Bookkeeping). Kjo organizatë me seli në Mbretëri të Bashkuar, ka partneritet me organizata të ngjashme nga e tërë bota.
Në mesin e tyre, së fundmi AAT ka arritur marrëveshje për njohje reciproke të certifikimeve edhe me IKAF-in, duke vlerësuar nivelin e Institutit në aspektin e trajnimeve dhe certifikimeve. Njohjet janë arritur në nivelin e Kontabilistit të Certifikuar (KC), Teknikut të Kontabiliteti (TK) dhe të Nëpunësit të Kontabilitetit.
Këtë marrëveshje, AAT e ka publikuar edhe në faqen e tyre zyrtare ( www.aat.org.uk ), duke e specifikuar atë në veçanti.
Njohjen reciproke e ka vlerësuar edhe drejtori i IKAF-it, Bujar Krasniqi, i cili e ka quajtur këtë si “një arritje të madhe e cila do t’i ndihmonte anëtarët e Inistitutit të përgatiten për karrierë ndërkombëtare dhe për sfidat që i sjellë e ardhmja”.
Bashkëpunimi me AAT-në është bërë në kuadër të bashkëpunimeve tjera që, IKAF kohëve të fundit ka arritur t’i bëjë me organizata me renome botërore dhe atyre rajonale, në dobi të anëtarëve të Institutit.