Vera zakonisht shihet si periudha e pushimit, por për ata që mendojnë për karrierën e tyre me seriozitet, është gjithashtu një mundësi ideale për të investuar në zhvillimin profesional. Për profesionistët në fushën e financave, kontabilitetit, auditimit apo tatimeve – certifikimi është një hap që mund të ndryshojë drejtimin e karrierës. Dhe s’ka kohë më të përshtatshme se tani!
Më poshtë, i rendisim 3 arsyet kryesore pse duhet të përfitoni nga kjo verë për t’u certifikuar në IKAF:
1. Vera është periudha më e qetë për të studiuar dhe reflektuar
Gjatë muajve të verës, ritmi i punës në shumicën e sektorëve ngadalësohet. Aktivitetet janë më të lehta, angazhimet më të pakta – dhe kjo e bën verën periudhën ideale për të investuar në dije.
Përdore këtë kohë për të filluar një program certifikimi profesional, pa stresin që zakonisht sjellin muajt e ngarkuar të vjeshtës apo dimrit. Ambienti është më i qetë, koha më e favorshme – dhe fokusi më i madh.
2. Zbritjet e verës e bëjnë certifikimin më të përballueshëm
IKAF po ofron zbritje sezonale deri në 20%, që janë të vlefshme vetëm për një periudhë të kufizuar. Në vend që të shtysh vendimin për më vonë, tani është momenti më i mirë për të përfituar financiarisht.
Kjo është një mënyrë konkrete për të kursyer qindra euro dhe për ta nisur rrugëtimin profesional me më shumë lehtësi.
3. Certifikimi profesional të hap dyert në vjeshtë – për punësim, promovim apo ndryshim karriere
Mjaft shpesh, vjeshta është periudha kur hapen më shumë mundësi për punë, aplikime në institucione dhe ristrukturime në biznese. Një certifikim profesional në CV mund të jetë vendimtar për t’u dalluar.
Pavarësisht nëse jeni në sektorin publik apo privat, me një certifikim nga IKAF – i njohur dhe i kërkuar në treg – rriten gjasat për të fituar një pozitë më të mirë, për të ndryshuar drejtimin profesional apo për të hyrë në sektorë të rinj si auditimi i brendshëm, IT auditimi apo këshillimi tatimor.
Në vend që të kalosh një verë pa objektiv profesional, pse të mos investosh në vetvete dhe të krijosh një avantazh për muajt që vijnë? IKAF është këtu për të të mbështetur me trajnime cilësore, çmime të përballueshme dhe një komunitet që rritet çdo ditë.
Apliko tani: www.ikaf.org/aplikimi-online
