TRAJNIM – MFP2 – Cikli i Buxhetit dhe Prokurimi Publik

IKAF do të organizojë trajnimin e radhës modular “MFP2 – Cikli i Buxhetit dhe Prokurimi Publik”

Ju njoftojmë në lidhje me zhvillimin e modulit MFP2 – Cikli i Buxhetit dhe Prokurimi Publik, i cili është paraparë të realizohet me gjithsej 12 orë ligjërim, i ndarë në dy pjesë.

Orari i modulit MFP2

15–16 prill – Pjesa e Prokurimit Publik (6 orë)
Ligjëruese: znj. Florie Salihi

22–23 prill – Pjesa e Ciklit të Buxhetit (6 orë)
Ligjërues: z. Lulzim Ismajli

Ditët: E mërkurë – E enjte Ora: 17:00 – 20:00

Provimi: 05 maj – Ora 15:00.

Përmbledhje mbi kualifikimin:

Programi i Zyrtarëve të Certifikuar në Menaxhimin e Financave Publike është program i gjerë arsimor i krijuar për të verifikuar njohuritë në disiplinat e financave qeveritare. Për të fituar emërimin, kandidatët duhet të kalojnë një seri prej katër provimesh që mbulojnë disiplinat kryesore të financave publike. Tema e këtij kualifikimi është menaxhimi financiar i qeverive të vendeve demokratike. Përfshin procesin me të cilin merren vendimet për mbledhjen dhe alokimin e fondeve, procesin e buxhetit dhe mënyrën e ekzekutimit të buxhetit, si dhe kontabilitetin dhe raportimin mbi rezultatet financiare të vendimeve të politikave. Gjithashtu përfshin procedurat për kontrollin dhe sigurinë (nga auditorët) mbi përdorimin e parave. Për më tepër, libri ka të bëjë me marrëdhëniet midis politikanëve, qeverisë dhe qytetarëve në përdorimin dhe kontrollin e burimeve publike, duke arritur llogari dhe transparencë.

Modulet e Kualifikimit:

1. MFP1 Hyrje në Menaxhimin e Financave Publike
2. MFP2 Planifikimi Buxhetor dhe Ekzekutimi i Buxhetit
3. MFP3 Plani kontabël  i Organizatave Buxhetore dhe Sistemi për Menaxhimin e Financave Publike
4. MFP4 Raportimi Financiar dhe Llogaridhënia