Bizneset në shumë vende të botës janë hapur ose janë duke u përgatitur të rihapen. Megjithatë, bota pas mbylljes, duket shumë më ndryshe se sa ishte vetëm tre muaj më parë, dhe shumë kompani tani duhet të përshtaten me një normal të ri, i cili vazhdon të jetë evoluues. Përderisa kompanitë janë duke e kuptuar se si ka ndikuar pandemia e COVID-19 në operacionet e tyre, pluhuri është akoma duke u vendosur në ndikimet afatshkurtra të krizës dhe për atë se si do të jetë biznesi në planin afatgjatë.
Në kohën kur menaxhmenti i ndërmarrjeve është duke u marr me çështje të rëndësishme të biznesit, të tilla si ndërprerjet e zinxhirit të furnizimit, reduktimet e financiare dhe krijimi i politikave afatgjata të punës nga shtëpia, në anën tjetër, zyrtarët financiarë dhe drejtuesit tjerë të financave, janë duke i renditur ndikimet e krijuara nga ana financiare.
Në një publikim të bërë nga ekspertë amerikanë Dreë Niehaus dhe Jenn Braden nga kompania “Riveron”, të cilin IKAF e sjell për lexuesit në Kosovë, janë renditur pesë fusha të cilat duhet të kihen parasysh nga ndërmarrjet gjatë rihapjes, në mënyrë që të maksimizojnë vlerën në një mjedis operimi pas pandemisë.
Pesë fushat e paraqitura në këtë publikim janë:
Parashikimet
Ndërsa ndodhë hapja nga izolimi, kompanitë do të kenë plane të qarta se kur dhe si mund të rifillojnë prodhimin dhe operimet dhe të zyrtarizojnë planet e tyre të rihapjes. Menaxhmenti duhet të sigurojë që këto vendime strategjike t’u komunikohen ekipeve të tyre të financave. Ky informacion do të lejojë udhëheqësit e planifikimit financiar dhe analizës (FP&A) të parashikojnë me saktësi ndikimet që rihapja do të ketë në të ardhurat, marzhat dhe kostot.
Heqje dorë nga disa plane (divestitures)
Shumë korporata dhe ndërmarrje më të vogla, pas humbjeve dëshirojnë të shesin filialet, linja të ndryshme të prodhimit apo shërbimeve. Ndërsa, në të njëjtën kohë, ka korporata dhe ndërmarrje të cilat kanë pasur një rritje të qarkullimit e të hyrave, e si rrjedhojë, kërkojnë të blejnë linja të reja me çmim shumë të favorshëm.
Në këtë aspekt, ndërmarrjet që dëshirojnë që të heqin dorë nga pjesë të tyre, për të shpëtuar shëndetin e përgjithshëm, duhet të kenë kujdes gjatë përcaktimit të çmimit. Për këtë arsye, ekipet e kontabilitetit dhe FP&A ka të ngjarë të kalojnë kohë dhe të bëjnë përpjekje të konsiderueshme gjatë muajve të fundit duke mbledhur dhe vlerësuar të dhënat për qëllime të raportimit strategjik dhe financiar, që ndihmon në përcaktimin e saktë të vlerës së tyre.
Shpenzimet e pasurive të paluajtshme
Duke qenë së gjatë kohës së pandemisë, shumë punë janë kryer nga shtëpia, kompanitë duhet ta konsiderojnë edhe çështjen e patundshmërisë, duke zvogëluar shpenzimet në këtë aspekt. Duke pranuar ndihmë nga kontabilistët dhe financierët, këto shpenzime mund t’i bartin në një fushë tjetër, si për shembull në pajisje të TI-së.
Menaxhimi i inventarit
Zinxhirët e furnizimit të dëmtuar kanë qenë një karakteristikë përcaktuese e krizës aktuale, siç dëshmohet nga çdo vizitë apo shpërndarje e dyqaneve ushqimore në Amazon. Ndërsa bizneset fillojnë të rihapen, ka të ngjarë që ata të vazhdojnë të ndiejnë efektet e kësaj çarje. Si rezultat, shumë kompani po rishikojnë strategjitë e tyre të menaxhimit të inventarit për të siguruar që ata mund të shmangin çështjet e ardhshme.
Para se të bëhen ndryshime në inventar, kompanitë duhet të kuptojnë ndikimet e mundshme në marzhat e tyre, rrjedhën e keshit dhe parashikimet. Këto ndryshime mund të ndikojnë shkëputjen e bashkëpunimit me furnizues, i cili mund të ketë kosto më të lartë kur blini inventar. Një ndryshim tjetër mund të jetë largimi nga sistemet e menaxhimit të inventari, duke rezultuar me rritje të bilancit të inventarit dhe ndikim negativ në rrjedhën e keshit.
Kostot e njëhershme
Disa ndërmarrje mund të bëjnë shpenzime njëhershme pas pandemisë. Blerje të tilla janë ato të pajisjeve të reja (d.m.th. maska, pajisje pastrimi) që ndikojnë në ruajtjen standardeve më të larta shëndetësore në vendin e punës dhe për t’i mbajtur punonjësit të sigurt. Përkundër që këto shpenzime, për momentin konsiderohen si të njëhershme, ato mund të bëhet të përsëritura, nëse kompanitë duhet të blejnë këto artikuj si pjesë e operacioneve normale që shkojnë përpara.
Kështu që menaxhmenti duhet t’i konsiderojë edhe këto shpenzime në kosto të aktiviteteve.
